Франциянинг "Лилль" футболчиси Свен Ботман фаолиятини «Милан»да давом эттирмоқчи.
La Gazzetta dello Sport хабарига кўра, «Лилль» ҳимоячиси Англиянинг «Ньюкасл» клубига «Милан»га ўтишни истаётганини айтган ва инглиз клуби таклифини рад этган.
Футболчининг атрофидагилар февраль ойида миланликлар вакиллари билан учрашишган. Кейин томонлар ёзда ўтиш бўйича оғзаки келишувга эришдилар. «Милан» футболчи учун тахминан 40 миллион евро сўраётган «Лилль» билан музокара олиб бориши керак.
Ботман ўз клубига босим ўтказмоқда ва "Милан" билан трансферни амалга ошишини истамоқда.
