"Барселона" ҳужумчиси Пьер-Эмерик Обамеянг Испания жамоасида ўйнаш учун маошини сезиларли даражада камайтирган. Бу ҳақда молиявий эксперт Роб Уилсонга таяниб Football Espana хабар бермоқда.

Лондоннинг “Арсенал” клубида 32 ёшли габонлик ҳужумчи ҳафтасига 362 минг евро маош оларди. Томонлар қишки трансфер ойнасида шартномани бекор қилишди, шунинг учун "Барселона" Обамеянгни текинга ўз сафига қўшиб олди. Испан клуби молиявий жиҳатдан чеклангани туфайли футболчига ҳафтасига 116 минг евродан кўп бўлмаган маош тўлаши мумкинлигини маълум қилди. Обамеянг бундай шартларга рози бўлди ва 2023 йилда ихтиёрий бекор қилиниши мумкин бўлган 2025 йилгача тузилган шартнома имзолади.

Маълум бўлишича, габонлик футболчига шу йилнинг ёзида яхшиланган шартнома таклиф қилинади.