Аргентиналик ҳужумчи Пауло Дибала, бош мураббий Массимилиано Аллегри бу каби саволларга жавоб беришда доимо эҳтиёткор бўлишга интилаётганига қарамай, жамоасида скудетто учун ҳали ҳам имкониятлари бор деб ҳисобламоқда.

Дибаланинг фикрича, «Ювентус» каби клуб доим фақат чемпионлик ҳақида ўйлаши керак. «Кекса синьора» Италиядаги энг титулли клуб бўлиб, ўзининг узоқ тарихида ўттиз олти марта чемпионликни қўлга киритган.

«Аллегри бизга бу ҳақда ўйламасликни айтади, аммо «Юве» чемпионликни қўлга киритиш имкониятига доимо ишониши керак», - дейди Дибала.