Мёнхенгладбахнинг «Боруссия» клуби ҳужумчиси Маркус Тюрам ёзги трансфер ойнасида бошқа жамоага ўтиши мумкин.
Calciomercato нашри хабарига кўра, ҳужумчига «Интер» қизиқиш билдирмоқда. Милан клуби ўтган ёзда ҳам Турамнинг трансфери бўйича музокаралар олиб борган ва «Боруссия»га 25 миллион евро таклиф қилган эди, аммо футболчининг жароҳати туфайли келишув амалга ошмади. Қайд этилишича, «Интер» франциялик футболчининг омадсиз мавсуми туфайли Маркусни камроқ пул эвазига сотиб олишни режалаштирган.
Тюрам Бундеслиганинг жорий мавсумида 16та ўйинда майдонга тушиб, атиги битта гол урди. 24 ёшли ҳужумчининг немис клуби билан шартномаси 2023 йилнинг 30 июнига қадар мўлжалланган.
