Эсингизда бўлса, Россия премьер-лигаси учинчи даврасининг илк турида "Анжи" "Динамо" уйига сафар уюштирган ва у ердан 1:0 ҳисобида ғалаба қозониб қайтишганди.
Бугун эса маҳачқалъаликлар Москванинг "Динамо"сига ўз "қарз"ларини қайтаришди.Динамо ўйин давомида ҳамжиҳатлик билан тўп сурди ва биринчи бўлимда ўз мақсадига етди.
Ўйиннинг 37-дақиқасида Владимир Риковнинг чамаси 30 метрлардан йўллаган зарбаси йўл йўлакай Крис Самбанинг оёқларига тегиб йўналишини ўзгартиради ва дарвоза тўридан жой олади.
"Анжи" эса биринчи бўлимда, бир қатор вазиятларга эга бўлди, аммо улардан фойдалана олмади.
Айниқса, ҳамюртимиз Одил Ахмедовнинг деярли бўш қолган дарвозага боши билан зарба берганда, тўп дарвоза чизиғини кесиб ўтгандек кўринди. Аммо ҳакам, бу вазиятда гол киритилмади деб ҳисоблади.
Иккинчи бўлимда мезбонлар ҳар қанча ҳаракат қилишммасин "Динамо"нинг мустаҳкам ҳимоясини ёриб ўта олишмади. 0:1 - "Динамо" бронза медали учун курашга жиддий киришди.
Анжи - Динамо М 0:1
Гол: Рыков, 37
Анжи: Габулов, Гаджибеков, Самба, Тагирбеков (Лахиялов, 70), Логашов (Агаларов, 59), Жирков, Жусилей, Ахмедов, Буссуфа, Мухаммад (Гонсалес, 46), Это'О
Динамо М: Шунин, Уилкшир, Фернандес, Гранат, Рыков, Семшов (Сапета, 82), Самедов, Нобоа, Мисимович (Воронин, 78), Джуджак (Смолов, 90), Кураньи
Огоҳлантиришлар: Тагирбеков, Жирков, Логашов, Это'О - Рыков, Семшов, Кураньи, Нобоа, Фернандес, Шунин
