Трансферлар мутахассиси Фабрицио Романо "Манчестер Сити" футболчиси Габриэль Жезуснинг келажаги ҳақида фикр билдирди. У шундай дейди:
"Айни дамда "Интер"нинг Габриэлни сотиб олиши ҳақида ҳеч қандай аниқ маълумот мавжуд эмас. Негаки, ҳозир миланликлар "Ман Сити" сўраши мумкин бўлган 40-50 миллион фунт қийматни тўлашга қурби етмайди. Аммо ишончим комилки, Жезус ҳамда Стерлингнинг жамоадаги ҳолати аниқланишга муҳтож. Чунки ҳар икки ҳужумчи ҳам 2023 йилда эркин агентга айланади. Айниқса, Габриэль Жезуснинг келажаги жуда ҳам ноаниқ. Чунки жамоа ёзда янги ҳужумчилар харид қилади".
Эслатиб ўтамиз, "Манчестер Сити" Габриэлни 2017 йилда "Палмейрас"дан 27 миллион фунтга сотиб олганди.
