«Байер» ярим ҳимоячиси Флориан Виртцга «Реал», «Барселона» ва «Бавария» қизиқиш билдирмоқда, деб ёзади журналист Фабрицио Романо твиттердаги саҳифасида.
Манбага кўра, «Реал», «Барселона» ва «Бавария» 18 ёшли германиялик футболчининг ўйинларини кузатиб бормоқда, бироқ ҳозирча Леверкузен клубига таклиф билан чиқмоқчи эмас.
Қайд этилишича, ярим ҳимоячи 2022 йилда «Байер»ни тарк этмайди.
Жорий мавсумда Виртц «Байер» сафида 28 ўйинда 10 та гол урди ва 13 та голли узатмани амалга оширди. Унинг Леверкузен клуби билан шартномаси 2026 йилнинг 30 июнига қадар мўлжалланган.