«Bayer» yarim himoyachisi Florian Virtsga «Real», «Barselona» va «Bavariya» qiziqish bildirmoqda, deb yozadi jurnalist Fabrisio Romano tvitterdagi sahifasida.
Manbaga ko‘ra, «Real», «Barselona» va «Bavariya» 18 yoshli germaniyalik futbolchining o‘yinlarini kuzatib bormoqda, biroq hozircha Leverkuzen klubiga taklif bilan chiqmoqchi emas.
Qayd etilishicha, yarim himoyachi 2022 yilda «Bayer»ni tark etmaydi.
Joriy mavsumda Virts «Bayer» safida 28 o‘yinda 10 ta gol urdi va 13 ta golli uzatmani amalga oshirdi. Uning Leverkuzen klubi bilan shartnomasi 2026 yilning 30 iyuniga qadar mo‘ljallangan.
