Мадриднинг «Реал» клуби ярим ҳимоячиси Тони Кроос жароҳати сабаб «ПСЖ» билан Европа Чемпионлар Лигаси 1/8 финал жавоб ўйинини ўтказиб юбориши мумкин.

Немис ярим ҳимоячисининг чап оёғидаги сон мушагида ёрилиш бор. Унинг «ПСЖ» билан ўйинда (биринчи ўйин - 0:1) иштирок этиши имконияти деярли йўқ.

Cope журналисти Мигель Диаз мадридликларнинг бошқа ярим ҳимоячиси Феде Вальверде ҳам жароҳати туфайли «Реал Сосьедад»га қарши ўйнамаслиги ҳақида хабар берди.

Шунингдек, «Реал» – «ПСЖ» учрашувида ҳозир парижликлар сафида тўп сураётган мадридликларнинг собиқ сардори Серхио Рамос ҳам ўйнамаса керак.