Россия 1-дивизионида тўп сурувчи “Алания” клуби 46 тур доирасида “Торпедо”ни ўз майдонида қабул қилди ва минимал ҳисобда ғалаба қозонди. Ягона гол эса ҳамюртимиз,  миллий терма жамоамиз аъзоси Марат Бикмаев ҳисобига ёзилди. Яна бир легионеримиз Санжар Турсунов ҳам асосий таркибда илк дақиқалардан ҳаракат қилди ва учрашув сўнггида алмаштирилди.

Ушбу ғалабадан сўнг, “Алания” очколари сонини 86 тага етказди ва учинчи поғонада бормоқда. Турнир пешқадамлари – “Нижний Новгород” ва “Мордовия” клублари ҳисобида мос равишда 90 ва 89 тадан очко мавжуд.

АЛАНИЯ - ТОРПЕДО - 1:0 (1:0).

Гол: Бикмаев, 38 (1:0).

Алания: Хомич, Царикаев, Грачев, Григорьев, Дакоста, Турсунов (Байриев, 90), Бакаев, Булгару, Плиев, Хубулов (Бураев, 63), Бикмаев (Р. Гиголаев, 82).