«Барселона» ярим ҳимоячиси Серхи Роберто МЛС клублари таклифларини рад этди, деб хабар беради Marca нашри.
Манбага кўра, Қўшма Штатларнинг бир нечта клублари 30 ёшли испанияликни ўз сафига қўшиб олмоқчи бўлган, бироқ у фаолиятини хорижда давом эттириш имкониятини рад этган. Қайд этилишича, футболчи Европада қолишни истамоқда.
2021/22 йилги мавсумда Роберто «Барселона» сафида 12 та ўйинда майдонга тушиб, 2 та гол ва 1 та голли узатмани амалга оширган. Футболчининг Каталония клуби билан шартномаси 2022 йилнинг июнь ойи охиригача амал қилади.
