«Барселона»нинг ҳимоячиси Серхи Роберто мавсум охирида «Барселона»дан кетади. Клуб футболчи билан июнь ойида якунига етадиган шартномани узайтирмоқчи эмас. Бу ҳақда Mundo Deportivo нашри хабар бермоқда.
Манбага кўра, каталонияликлар раҳбарлари футболчининг ривожланишдан тўхтаб қолганидан норози, шу боис у билан шартнома узайтиришмайди.
Шу билан бирга, футболчининг ўзи ҳам Англия Премьер-лигасида ўйнамоқчи эканлиги айтилмоқда. Премьер-лиганинг бир қанча клублари 30 ёшли тажрибали испанияликни ўз сафига қўшиб олишига қарши эмас.
Серхи Роберто «Барселона» академиясини тарбияланувчиси. Трансфермаркт Робертонинг нархини 9 миллион еврога баҳоланган.
