«Ювентус» ҳужумчиси Пауло Дибала тез-тез жароҳат олгани сабаб у билан янги шартномага ўзгартиришлар киритишга қарор қилди, дея хабар беради football-italia.
Клуб раҳбарияти Дибала тез-тез жароҳат ола бошлагани учун унга режалаштирилганидан камроқ маош тўлаш керак, деб ҳисобламоқда. Ҳужумчи мавсумдаги олтинчи жароҳатини олган.
Аввалроқ футболчининг агенти 2022 йилнинг ёзида тугайдиган шартнома борасида музокаралар олиб бориш учун Туринга келгани ҳақида хабар берилганди.
2021/22 йилги мавсумда Дибала «Ювентус» сафида 27 та ўйинда майдонга тушиб, 12 та гол ва 6 та голли узатмани амалга оширган.
