Бугун "Насаф" жамоаси ўз муҳлислари қаршисида жорий мавсум учун таркибда қўшилган янги футболчиларни таништириш маросими бўлиб ўтди.

Унда вилоят ҳокими, "аждарлар" клубининг футболчи ва раҳбарияти ҳамда жамоа фан клуб аъзолари иштирок этишди. Таништириш маросимида вилоят ҳокими томонидан мавсум давомида клуб раҳбарияти ва футболчилар олдида олдинга қўйилган улкан мақсад ҳақида тўхталиб ўтилди. Ишқибозлар ҳам ўзлари қизиқтирган "Насаф" ҳақидаги саволларига жавоб олишди. Шу билан бир қаторда клуб тарихи ҳамда келажакдаги истиқболи тўғрисида ҳам сўз юритилиб жамоанинг келажакдаги фаолиятига омад ва зафарлар тиланди.

Маълумот ўрнида: Жорий мавсум учун қуйидаги футболчилар "аждарлар" таркибига келиб қўшилишди.
Булар: Шароф Муҳиддинов ("Пахтакор")дан, легионерлар Россиялик Иван Салавёв ("Навбаҳор")дан ва Босния ва герцеговиналик Семир Смажлагичлардир.