Испания Ла Лигасининг 27-турида «Барселона» «Эльче» майдонига сафар уюштирди.

Биринчи бўлимда катта устунликка эга бўлган ва бир қатор голли вазиятларни содир этган "Барселона" буни ҳисобда акс эттира олмади. Футболнинг ёзилмаган қонуни ишга тушиб, "Барселона" 44-дақиқада юзага келтирган вазиятларни голга айлантира олмагани учун товон тўлади - гол муаллифи Фидель. Жамоалар шу тариқа танаффусга йўл олишди.

Иккинчи бўлимда ҳам "Барселона" ҳужум қилишни тўхтатмади. Ана шундай ҳужумларнинг бири 60-дақиқада ўз самарасини берди - Ферран Торрес мувозанатни тиклади.

84-дақиқада эса захирадан майдонга тушган Мемфис Депай белгиланган пенальтини аниқ амалга ошириб, жамоаси учун муҳим уч очкони олиб келди.

"Эльче" – "Барселона" 1:2

6 март, 20.15, «Мартинес Валеро»

Голлар: 1:0 – 44 Фидель, 1:1 – 60 Ферран Торрес, 1:2 – 84, пенальти Депай.

"Эльче" – Бадия, Барраган, Роко, Диего Гонсалес, Мохика, Фидель (Хосан, 78), Маскарель (Кике Перес, 85), Гути (Марконе, 79), Моренте (Понсе, 65), Милья, Бойе (Каррильо, 65).

"Барселона" – тер Стеген, Дани Алвес (Дест, 85), Пике, Араухо, Альба, Бускетс, де Йонг (Нико Гонсалес, 68), Педри, Гави (Ферран Торрес, 46), Обамеянг (Депай, 75), Дембеле (Траоре, 75).

Огоҳлантиришлар: Араухо (49), Барраган (56), Дембеле (58), Понсе (67), Дани Алвес (71), Нико Гонсалес (72), Пике (82).

Четлатиш: Пасторе (88).