Аргентиналик футболчи Лионель Месси туғилган Росарио шаҳридаги радиолардан бирининг тарқатган хабарига кўра, футболчи севгилиси Антонелла Рокуззо фарзанд кутаётган экан.
Ушбу хабар эълон қилиниши ҳамоно Аргентинада чоп этиладиган Diario Uno газетаси Мессининг яқинлари ва қариндошлари хусусан унинг ота-онаси билан боғланиб, ушбу хабарга ойдинлик киритишга ҳаракат қилди. Бироқ уларнинг ҳеч бири ушбу хабарни тасдиқламаган ва шу билан бирга инкор ҳам этмаган ва ушбу янгилик ҳақида икки қаҳрамоннинг ўзидан сўрашларини айтишган.
Антонелланинг отаси Хосе Рокуззо: "Агар бува бўлсам фақат хурсанд бўламан, лекин ҳозирча янги меҳмон кутилаётганидан хабарим йўқ", — дея таъкидлаган.
Мессининг Росариодаги ишқибозлари ушбу хабарни хурсандчилик билан қарши олишган ва нишонлашга ҳам улгуришган.
