Январь ойида «Милан» ва «Наполи» «Сассуоло» ҳужумчиси Жанлука Скамаккани сотиб олишга уриниб кўрди. Бу ҳақда журналист Альфредо Педулла хабар бермоқда.
Аммо Скамакка ёзда қайси жамоага ўтиш борасида аллақачон қарор қабул қилган. 23 ёшли ҳужумчи «Интер»га ўтмоқчи.
«Интер» Скамаккани 2022 йилнинг ёзида сотиб олиши кутилмоқда. Жанлука жорий мавсум А сериянинг 26 ўйинида 11 та гол урди.