«Арсенал» бош мураббийи Микел Артетанинг фикрича, Букайо Сака Евро-2020 финалида пенальтилар сериясини ўтказиб юборганидан фойда кўрган.
«Менимча, Букайода ёзда кам сонли футболчилар бошидан кечирган нарса бўлди ва бу унинг фаолияти учун ажойиб бўлди, чунки футбол олами уни қанчалик севишини ва ҳурмат қилишини кўрсатди.
Фикримча, бу унга катта туртки берди ва қийин пайтларда одамлар уни қўллаб-қувватлашини англаб етди. Клуб ва унинг жамоадошлари айнан шундай қилишди.
Кейин унга бироз эркинлик бериш керак. Унинг қилаётган иши ажойиб. Фақат газеталарни ўқимасин, лекин ундан бошқа нима қилса - қилаверсин, чунки, мақтовлар унга салбий таъсир қилиши мумкин.
Футбол - унинг ҳаётидаги устуворлиги ҳар куни машғулотларда намоён бўлади. Сака бу ҳатти-ҳаракати ва турмуш тарзини сақлаб қолиши керак», - Артетанинг сўзларидан иқтибос келтирмоқда Sky Sports.