"Анжи" ҳужумчиси Самуэл Это’О Махачқалъа клубини тарк этиб "Интер"га қайтмоқчи.
Футболчининг Россиядаги ҳаёти жонига тегди ва унга маҳаллий чемпионатнинг савияси ҳам ёқмаяпти. Камерунлик ўйинчи клуб раҳбарларидан мавсум якунлангач ёки йил охирида ўзини сотиб юборишларини сўрамоқчи, - дея хабар беради Corriere dello Sport.
Эслатиб ўтамиз, футболчи 2011 йилнинг августида "Интер"дан "Анжи"га ўтган эди. Норасмий хабарларга қараганда Это’Онинг Махачқалъа клубидаги йиллик маоши 20 миллион еврони ташкил қилади.













