«Челси» дарвозабони Кепа Аррисабалага ёзда Италия А серияси клубига ўтиши мумкин. Бу ҳақда Тodofichajes нашри хабар бермоқда.
Манбага кўра, «Лацио» испан посбонини ўз сафига қўшиб олиш бўйича ҳаракатни бошлади. Таъкидланишича, ушбу трансферни «бургутлар» устози Маурисио Сарри шахсан хоҳламоқда.
Футболчи Лондонни тарк этишга қарши эмас. Бунинг асосий сабаб етарли ўйин амалиётига эга бўлмаслик деб кўрсатилган.
Кепанинг «Челси» билан шартномаси 2025 йилгача амал қилади. Маълум бўлишича, Италия клуби кипер учун 10 миллиондан ортиқ тўламоқчи эмас.
Аммо лондонликлар дарвозабон учун 80 миллион евро тўлаганини ҳисобга олсак, бу суммага рози бўлмаслиги мумкин.
