«Chelsi» darvozaboni Kepa Arrisabalaga yozda Italiya A seriyasi klubiga o‘tishi mumkin. Bu haqda Todofichajes nashri xabar bermoqda.
Manbaga ko‘ra, «Lasio» ispan posbonini o‘z safiga qo‘shib olish bo‘yicha harakatni boshladi. Ta’kidlanishicha, ushbu transferni «burgutlar» ustozi Maurisio Sarri shaxsan xohlamoqda.
Futbolchi Londonni tark etishga qarshi emas. Buning asosiy sabab yetarli o‘yin amaliyotiga ega bo‘lmaslik deb ko‘rsatilgan.
Kepaning «Chelsi» bilan shartnomasi 2025 yilgacha amal qiladi. Ma’lum bo‘lishicha, Italiya klubi kiper uchun 10 milliondan ortiq to‘lamoqchi emas.
Ammo londonliklar darvozabon uchun 80 million yevro to‘laganini hisobga olsak, bu summaga rozi bo‘lmasligi mumkin.
