Мадриднинг «Реал» клуби ёзда Эрлинг Холандни сотиб ололмаса, Алескандер Исак вариантини кўриб чиқади.
Испаниянинг Defensa Central нашри тарқатган хабарга кўра, Исак муқобил вариант сифатида кўриб чиқилмоқда.
Исак узоқ вақтдан бери Европанинг энг истиқболли ёш ҳужумчиларидан бири сифатида эътироф этилган. Уни АИКда ўйнаган вақтида Златан Ибраҳимовичга қиёслашарди.
2019 йилнинг июль ойида ҳужумчи «Реал Сосьедад» жамоасига кўчиб ўтди. Ушбу клуб сафида 120 та ўйинда майдонга тушган ҳужумчи 41 та гол урди ва 8 та голли узатмани амалга оширди.
