"Кальяри"да ижара асосида ўйнаётган "Бордо" ҳимоячиси Рауль Белланова жамоасини ўзгартириши мумкин. 21 ёшли футболчининг хизматларига Туриннинг "Ювентус" клуби қизиқиш билдирмоқда, деб хабар беради Calciomercato.com.

Манбага кўра, "кекса синьора" бош мураббийи Массимилиано Аллегри футболчини ўз жамоасида кўрмоқчи. Қайд этилишича, “Ювентус” Рауль учун 7 миллион евродан 9 миллион еврогача тўлаши керак бўлади.

Маълумот учун, Белланова “Милан” тарбияланувчиси ҳисобланади. Transfermarkt интернет портали маълумотларига кўра, италиялик футболчининг бозор нархи 2 миллион еврони ташкил этади.

Италия А сериясининг жорий мавсумида 21 ёшли ҳимоячи 21 та ўйинда майдонга тушиб, битта гол ва иккита голли узатмани амалга оширган.