"Kalyari"da ijara asosida o‘ynayotgan "Bordo" himoyachisi Raul Bellanova jamoasini o‘zgartirishi mumkin. 21 yoshli futbolchining xizmatlariga Turinning "Yuventus" klubi qiziqish bildirmoqda, deb xabar beradi Calciomercato.com.

Manbaga ko‘ra, "keksa sinyora" bosh murabbiyi Massimiliano Allegri futbolchini o‘z jamoasida ko‘rmoqchi. Qayd etilishicha, “Yuventus” Raul uchun 7 million yevrodan 9 million yevrogacha to‘lashi kerak bo‘ladi.

Ma’lumot uchun, Bellanova “Milan” tarbiyalanuvchisi hisoblanadi. Transfermarkt internet portali ma’lumotlariga ko‘ra, italiyalik futbolchining bozor narxi 2 million yevroni tashkil etadi.

Italiya A seriyasining joriy mavsumida 21 yoshli himoyachi 21 ta o‘yinda maydonga tushib, bitta gol va ikkita golli uzatmani amalga oshirgan.