«Реал» ярим ҳимоячиси Лука Модрич «ПСЖ»га қарши ЕЧЛ 1/8 финал жавоб ўйинидан олдин ўз фикрлари билан ўртоқлашди. Биринчи учрашув парижликларнинг ғалабаси (1:0) билан якунланганди.

«Ҳозир иккала жамоа ҳам босим остида. Биз ҳам, «ПСЖ» ҳам чорак финалга чиқишни истайди. «Реал Мадрид» яна Чемпионлар лигасида ғалаба қозонишни орзу қилади ва биз буни амалга ошириш учун қўлимиздан келганини қиламиз. «ПСЖ» ҳали бу турнирда ғалаба қозона олмаган ва бу Чемпионлар лигасида ғалаба қозониш ниҳоятда қийин эканлигини исботлайди», - дея Модричнинг сўзларини келтиради УЕФА матбуот хизмати.

«Реал Мадрид» ва «Пари Сен-Жермен» учрашуви 9 март куни бўлиб ўтади. Бошланиш Москва вақти билан 23:00 да.