"ПСЖ" бош мураббийи Маурисио Почеттино аргентиналик ҳужумчи Лионель Месси ҳақидаги фикрлари билан ўртоқлашди.
“Месси – дунёнинг энг яхши футболчиси, унда еттита “Олтин тўп” бор. Албатта, ундан ташқари бизда энг зўр бўлишга интиладиган ажойиб футболчилар ҳам бор. Мбаппенинг супер формаси бунга мисол. У ақл бовар қилмайдиган ва энг ёрқин порлаётган ўйинчилардан бири", - дея Почеттинонинг сўзларидан иқтибос келтирган Marca.
Эслатиб ўтамиз, Месси 2021 йилнинг ёзида "Барселона"дан "ПСЖ"га ўтган эди.
Жорий мавсумда 34 ёшли аргентиналик ҳужумчи Франция чемпионатининг 17 та учрашувида иштирок этиб, 2 та гол урди ва 10 та голли узатмани амалга оширди.
