Лаутаро Мартинес «Ливерпул»га қарши ўйинда Алексис Санчеснинг четлатилишидан норози бўлди.

«Интер» «Энфилд»да "мерсисайдликлар"ни 1:0 ҳисобида мағлуб этди, аммо икки ўйин натижасига кўра (1:2) мағлубиятга учраб, турнир билан хайрлашди.

“Биз ўзимиз хоҳлаган нарсани қилдик, характер ва олдинга бориш истагини кўрсатдик. Ўйин ўтказиш жуда қийин бўлган стадионда ҳисобда олдинга чиқиб олишимиз биланоқ ўнта бўлиб қолганимиз ачинарли. Бундай нарсалар қарама-қаршилик натижасини белгилайди.

Бу мағлубиятни унутиб, олдинга қарашимиз керак. Биз Чемпионлар Лигасини тарк этдик, лекин Италия Кубогида ўйнашда давом этамиз, биз А Серияда чемпионлик учун курашамиз. Биз ўзимизни энг яхши томонларимизни кўрсатишимиз, сабоқ олишимиз ва кучлироқ бўлишга ҳаракат қилишимиз керак.

Биз яхши эканлигимизни яна бир бор исботладик, лекин биз айрим деталларни яхшилашимиз керак. «Реал» билан ўйинларда ҳам шундай бўлган - бу даражада ўйинларда ўнта футболчи билан ўйнаш жуда қийин", - деди миланлик ҳужумчи Sky Sport Italia билан суҳбатда.