Lautaro Martines «Liverpul»ga qarshi o‘yinda Aleksis Sanchesning chetlatilishidan norozi bo‘ldi.

«Inter» «Enfild»da "mersisaydliklar"ni 1:0 hisobida mag‘lub etdi, ammo ikki o‘yin natijasiga ko‘ra (1:2) mag‘lubiyatga uchrab, turnir bilan xayrlashdi.

“Biz o‘zimiz xohlagan narsani qildik, xarakter va oldinga borish istagini ko‘rsatdik. O‘yin o‘tkazish juda qiyin bo‘lgan stadionda hisobda oldinga chiqib olishimiz bilanoq o‘nta bo‘lib qolganimiz achinarli. Bunday narsalar qarama-qarshilik natijasini belgilaydi.

Bu mag‘lubiyatni unutib, oldinga qarashimiz kerak. Biz Chempionlar Ligasini tark etdik, lekin Italiya Kubogida o‘ynashda davom etamiz, biz A Seriyada chempionlik uchun kurashamiz. Biz o‘zimizni eng yaxshi tomonlarimizni ko‘rsatishimiz, saboq olishimiz va kuchliroq bo‘lishga harakat qilishimiz kerak.

Biz yaxshi ekanligimizni yana bir bor isbotladik, lekin biz ayrim detallarni yaxshilashimiz kerak. «Real» bilan o‘yinlarda ham shunday bo‘lgan - bu darajada o‘yinlarda o‘nta futbolchi bilan o‘ynash juda qiyin", - dedi milanlik hujumchi Sky Sport Italia bilan suhbatda.