Симоне Индзаги «Интер»ни Чемпионлар лигасидан чиқиб кетганидан афсусда.

Миланликлар биринчи ўйинда 0:2 ҳисобида мағлуб бўлган бўлса, жавоб ўйинида 1:0 ҳисобида зафар қучди. Бироқ, икки ўйин натижаси кўп мусобақани тарк этди.

“Албатта, жуда кўп нарсалардан афсусланяпмиз. 1/8 финалда бор кучимизни кўрсатмоқчи эдик. Қуръа бизни «Манчестер Сити» ва «Бавария» билан бирга Европанинг энг яхши жамоаларидан бири бўлган «Ливерпул» билан бирлаштирди. Гарчи, шундай бўлсада, биз тенг шароитларда курашдик.

Якунда биз биринчи ўйиннинг сўнгги 15 дақиқасини қандай ўтказганимиз учун товон тўладик. Лекин шундай бўлсада, кучли жамоага қарши ажойиб ўйинларни ўтказдик.

Биз «Энфилд»га ўзимизни энг яхши томонларимизни кўрсатиш учун келдик ва топ жамоага қарши ўйиндан кейин биз кучайиб борамиз. Санчеснинг четлатилиши биз яхши ўйнаётганимизда ва уларнинг ўйини чиқмаётган пайтда содир бўлди.

Аввалроқ уни алмаштирмаганимдан афсусланмайман, у менга майдонда керак эди, бундай ўйинда уни алмаштирмоқчи эмасдим. Лекин бу содир бўлганидан афсусдаман, «Ливерпуль» Лаутаронинг голи билан ҳайратда қолди», - деди «Интер» бош мураббийи Sky Sport Italia нашрига.