Андрей Карпович Қозоғистон миллий терма жамоасининг вақтинча бош мураббийи этиб тайинланди. Бу ҳақда Қозоғистон футбол федерацияси расмий хабар тарқатди.
- Андрей Владимирович Қозоғистон терма жамоасидаги фаолияти орқали мухлисларга яхши таниш. У терма жамоада ўйин ўтказиш бўйича рекордчиларнинг (55 та ўйин) бири саналади. Терма жамоани сардор сифатида бир неча маротаба майдонга олиб тушган, - дейилади Қозоғистон футбол федерацияси берган баёнотда.
Карпович футболчи сифатида "Елимай", "Иртиш", "Қайрат", "Локомотив", "Ордабаси", "Шахтёр", "Атирау", "Алтай", шунингдек, "Ростсельмаш" ва "Динамо" жамоаларида тўп сурган.
Мураббийлик фаолиятида эса Карпович "Қайрат", "Окжетпес" жамоларида ишлаган. 2021 йилнинг бошидан бери "Қизил-Жар СК" жамоаси бош мураббийи бўлиб ишлаб келаётганди.
