Каталониянинг «Барселона» клуби бош мураььийи Хави жамоасининг жорий мавсум Европа Лигасида ғолиб чиқиш имкониятларини баҳолади.

«Европа Лигасидан ғалаба қозониш — «Барселона»нинг асосий мақсади, лекин биз ўзимизни мусобақа фаворити деб ҳисобламаймиз. «Севилья» — ушбу турнирда ғолиб чиқиш учун кўпроқ етакчилик қилмоқда. Биз ғалаба қозонишга давогар жамоамиз ва буни майдонда исботлашимиз керак. Ҳар бир ўйин биз учун — имтиҳон ва ишлашда давом этишимиз керак».

Хавининг фикрича, "Барселона"ни олдида ЕЧЛга чиқиш вазифаси турибди.

«Биз бунга Европа Лигаси ёки Ла Лига орқали йўл олишимиз керак. Европа Лигасида ғолиб чиқиш биз учун орзу, аммо Ла Лигадаги иштирокимизни мавсум охиридаги ўрнимиз кўрсатади», — деди Хави Mundo Deportivo билан суҳбатда.

Эртага «Барселона» «Галатасарой» клуби билан Европа Лигасининг 1/8 финал доирасида учрашади. Учрашув Тошкент вақти билан соат 01:00да «Камп Ноу» стадионида бўлиб ўтади.