Англия терма жамоасининг собиқ сардори Дэвид Бекхэм Лондон олимпиадасида иштирок этиши кутилаётган Буюк Британия терма жамоасининг кенгайтирилган таркибига киритилди. Бу ҳақда терма жамоа мураббийлар штаби расмийларидан бири маълумот берди.
Айни дамда "Лос Анжелес Гелекси" таркибида тўп сураётган Бекхэм бу қарордан хурсандлигини яширмади.
"Албатта, терма жамоанинг ҳозирги таркибига менинг номимни ҳам киритишган қувонарли ҳол. Агар имконим ва кучим етса, албатта ушбу терма жамоа сафида ўйнаган бўлар эдим. Сўнгги қарорни мураббийлар эълон қилишади. Олдиндан нимадир дейиш қийин", дейди Бекхэм ВВСга берган интервьюсида.