«Лацио» футболчиси Сергей Милинкович-Савич «Реал»да ўйнашни истайди, деб хабар беради Calciomercato.

Рим клуби сербиялик футболчини ўз сафида сақлаб қолишга ҳаракат қилмоқда, аммо бу «бургутлар» раҳбарияти учун бироз қийин бўлиши мумкин.

«Ювентус», «ПСЖ», «Манчестер Юнайтед» каби клублар аллақачон футболчига эътибор қаратишмоқда.

«Реал Мадрид» ҳали футболчи сотиб олиш истагини билдиргани йўқ, гарчи сербнинг ўзи бу клубдан таклиф бўлишига умид қилмоқда.

Жорий мавсумда футболчи «Лацио» сафида барча турнирлар доирасида 37 та ўйин ўтказиб, 8 та гол уришга эришди.