Римнинг "Рома" клуби бош мураббийи Жозе Моуриньо дисквалификация муддати тугашига ўзига хос тарзда муносабат билдирди.
«Рома» бош мураббийи «Верона»га (2:2) қарши ўйинда бош ҳакамга қарата қилган ишораси учун А Серияда 2 ўйинга дисквалификация қилинди. Португалиялик мураббий "Специа" (1:0) ва "Атланта" (1:0) жамоаларига қарши бўлиб ўтган ўйинларда жамоасини бошқара олмади.
Конференция лигасида «Витесс» билан бўладиган ўйинга жўнаб кетиш олдидан мутахассис ўзининг иккита суратини жойлаштирди ва уларга қуйидагича изоҳ қолдирди: «Мен қамоқдан чиқдим. Конференция лигасига боришга тайёрмиз»
