"Арсенал"нинг собиқ бош мураббийи Арсен Венгер "Ливерпуль" - "Интер" учрашувини қизиқиш билан кузатиб борди. Миланликлар ўзлари учун жуда муҳим гол уриши биланоқ, Санчеснинг четлатилиши туфайли майдонда бир киши кам бўлиб қолишди.

"Фабиньо симуляция ва "ақлли" йиқилишни кўрсатиб берди. Агар сиз "Ливерпул"ни қўллаб-қувватласангиз, у ақлли тарзда йиқилди, дейсиз, лекин обективликни сақламоқчи бўлсангиз, у жуда чиройли йиқилиб берганини гувоҳи бўласиз. Санчес аниқ тўпга ўйнади, у аниқ тўпиғига зарба беришни хоҳламади. Ҳакам ўйиндаги барча интригани йўқ қилди", - деди Венгер.