«Манчестер Сити» тарих жиҳатидан ҳамшаҳарига рақобатлаша олмаса ҳам, яқин ўн йил ичида катта совринларни қўлга киритди.

Хўш клуб тарихи қандай?

1.«Буюк» клубга асос солиниш. Гортон квартали Манчестернинг шарқида жойлашган бўлиб, ишчилар маҳалласи ҳисобланади. Ёшлар ўртасида жиноятчиликни камайтириш мақсадида ҳомий Анна Коннел ва икки лютеран руҳонийси крикет спорт клубини яратишга қарор қилишган.

Ҳаваскорлар қишда ўз мақсадларига эришадилар ва крикет спорт клубини очишга муваффақ бўлишади. Унда қўшимча футбол бўлими ҳам мавжуд эди. Шундай қилиб «Сент-Марк» клуби пайдо бўлди, унинг номи кейинчалик 1894 йилда «Манчестер Сити» деб ўзгартирилди ва Англия чемпионати ташкил этилгандан сўнг дарҳол Иккинчи дивизион таркибига киритилди. 1899 йилдан жамоа биринчи дивизионда ўйнай бошлади.

2. Дастлабки совринлар. «Сити» ўзининг илк кубогига 1904 йилда эга чиққан. Ўшанда «шаҳарликлар» Англия кубогида зафар қучган эди. Аммо Англия футболи олий лигасида 87 мавсум ўтказганига қарамай, клуб муваффақияти эпизодик тарзда кечган: 1937 йилда жамоа биринчи лига чемпионлигини қўлга киритди, 1968 йилда ҳам бу турнирда ғалаба қозонди. 1980 йилда янги таркиб ва куч билан бош совринга эга чиқди.

3. Шайхларнинг клубга келиши. 2008 йилда «Манчестер Сити» Бирлашган Араб Амирликларига тегишли сармоядорлар қўлига ўтади. Ушбу тадбиркорлар гуруҳи клубни ўз тарихидаги чўққига олиб чиқди десак муболаға қилмаган бўламиз. «Манчестер Юнайтед» билан солиштирганда, «Сити»нинг сўнгги йиллардаги ютуқлари анча салмоқлироқ: 3 та лига кубоги, 5 та мамлакат чемпионлиги, бешта Англия кубоги.

4. «Кўклар» мухлислари. Клубни ака-ука Галлагерлар, Британиянинг Оазис рок гуруҳи асосчилари ва бошқа машҳур юлдузлар ҳам қўллаб-қувватламоқда.