«Manchester Siti» tarix jihatidan hamshahariga raqobatlasha olmasa ham, yaqin o‘n yil ichida katta sovrinlarni qo‘lga kiritdi.

Xo‘sh klub tarixi qanday?

1.«Buyuk» klubga asos solinish. Gorton kvartali Manchesterning sharqida joylashgan bo‘lib, ishchilar mahallasi hisoblanadi. Yoshlar o‘rtasida jinoyatchilikni kamaytirish maqsadida homiy Anna Konnel va ikki lyuteran ruhoniysi kriket sport klubini yaratishga qaror qilishgan.

Havaskorlar qishda o‘z maqsadlariga erishadilar va kriket sport klubini ochishga muvaffaq bo‘lishadi. Unda qo‘shimcha futbol bo‘limi ham mavjud edi. Shunday qilib «Sent-Mark» klubi paydo bo‘ldi, uning nomi keyinchalik 1894 yilda «Manchester Siti» deb o‘zgartirildi va Angliya chempionati tashkil etilgandan so‘ng darhol Ikkinchi divizion tarkibiga kiritildi. 1899 yildan jamoa birinchi divizionda o‘ynay boshladi.

2. Dastlabki sovrinlar. «Siti» o‘zining ilk kubogiga 1904 yilda ega chiqqan. O‘shanda «shaharliklar» Angliya kubogida zafar quchgan edi. Ammo Angliya futboli oliy ligasida 87 mavsum o‘tkazganiga qaramay, klub muvaffaqiyati epizodik tarzda kechgan: 1937 yilda jamoa birinchi liga chempionligini qo‘lga kiritdi, 1968 yilda ham bu turnirda g‘alaba qozondi. 1980 yilda yangi tarkib va kuch bilan bosh sovringa ega chiqdi.

3. Shayxlarning klubga kelishi. 2008 yilda «Manchester Siti» Birlashgan Arab Amirliklariga tegishli sarmoyadorlar qo‘liga o‘tadi. Ushbu tadbirkorlar guruhi klubni o‘z tarixidagi cho‘qqiga olib chiqdi desak mubolag‘a qilmagan bo‘lamiz. «Manchester Yunayted» bilan solishtirganda, «Siti»ning so‘nggi yillardagi yutuqlari ancha salmoqliroq: 3 ta liga kubogi, 5 ta mamlakat chempionligi, beshta Angliya kubogi.

4. «Ko‘klar» muxlislari. Klubni aka-uka Gallagerlar, Britaniyaning Oazis rok guruhi asoschilari va boshqa mashhur yulduzlar ham qo‘llab-quvvatlamoqda.