"Челси" бош мураббийи Томас Тухель нима учун ҳужумчи Ромелу Лукаку асосий таркибга киритилмаганини тушунтирди.
"Ромелу айни дамда қийналмоқда, аммо у жамоанинг муҳим азоси. Муайян нуқталарда бахциз бўлган бошқа футболчилар ҳам бор. Лекин энг катта муаммо шундаки, биз фақат 11 нафар футболчини майдонга туширишимиз мумкин.
Лукаку бошқалар каби "Челси"даги ўрни учун курашмоқда. Унга бу ҳолат ёқмайди, лекин мен ҳаммага бўлгани каби унга ҳурмат ва қўллаб-қувватлаш учун қўлимдан келганини қилишга ҳаракат қиламан", деди мураббий.
Лукаку жорий мавсум "Челси" сафида 30 та ўйинда майдонга тушиб, 11 та гол урди ва 2 та голли узатмани амалга оширди. Ҳужумчининг Лондон клуби билан шартномаси 2026 йилнинг 30 июньига қадар мўлжалланган.