«Бавария» бош мураббийи Юлиан Нагельсманн Кингсли Команнинг Чемпионлар лигаси 1/8 финалида Австриянинг «Зальцбург» клубига қарши баҳсдаги ўйинини юқори баҳолади.

«Учрашувнинг энг муҳим воқеаларидан бири бу ўйин бошида Кингсли Команнинг ҳимоявий ўйини бўлди. У ақл бовар қилмайдиган ўйин кўрсатди. Мен шляпамни ечаман!», - дея фикр билдиради «Бавария» устози.

Немис клуби 1/8 финал жавоб учрашувида «Зальцбург»ни қабул қилиб, 7:1 ҳисобида зафар қучди ва турнирнинг чорак финалига йўл олди. Коман бу баҳсда ҳимоячи сифатида ҳам, ҳужумчи сифатида ҳам ўзини кўрсата олди.