Бразилиялик Тьяго Сильванинг фаолиятига ҳар қандай футболчи ҳавас билан боқса керак. Уни бемалол «совринютар» ибораси билан таърифлаш мумкин. Қаранг, Бразилия терма жамоаси ва «Челси» клуби ҳимоячиси қаторасига 12 йилдан буён кубок ютиш бобида ўзига хос серия қайд этмоқда. Шунчаки, ажойиб!
Тьягонинг ушбу ажиб серияси мавсум-2010|2011да бошланган эди. Бразилиялик футболчи шундан буён ҳар мавсум ўз коллекциясини камида 1та соврин билан бойитмоқда. Диққат қилинг, Сильва бу оралиқда 3 марта мавсумни 4тадан соврин билан якунлади. Жорий йил бошида БААда ташкиллаштирилган Клублар ўртасидаги ЖЧ-2021нинг бош соврини эса футболчи учун ушбу серия ҳисобидан 28-соврин бўлди.
Тьяго Сильвада бу йил яна соврин ютиш имконияти йўқ эмас. Ҳа, АПЛда олтин медаль олиш масаласи қийин, лекин ЧЛ ва Англия кубоги бор. Лондонликлар еврокубокнинг 1|8 финалида «Лилль» тўсиғидан ўтишга яқинлар, мамлакат кубоги чорак финалида эса «Мидлсбро» билан куч синашишади.
