"Барселона" ярим ҳимоячиси Фабрегас Чемпионлар Лигаси ярим финалидаги "Челси"га қарши кечадиган биринчи учрашувдан аввал берган интервбсида, Лондон клуби ҳамда "Реал"га қарши ўтказиладиган навбатдаги ўйинлар, мавсумнинг ҳал қилувчи ўйинлари бўлишини таъкидлаб ўтди. 

"Барселона"га ўтганимдан сўнг, ҳаммаси мен ўйлаганимда-да яхши томонга қараб кетти, — дея футболчининг сўзларидан УЕФА расмий сайти иқтибос келтирмоқда. — Ҳаттоки, аввал бошда ўйлаганимдан ҳам кўпроқ ўйинларда майдонга тушяпман. "Барса"га ҳам футболчи, ҳам шахс сифатида янанада яхшироқ даражага чиқиш учун ўтганман. Ҳар доим ҳаётимда ҳудди мана шу ҳафтадаги каби онлар бўлишини истаганман. Аввалига "Челси" билан Чемпионлар Лигаси ярим финалида ўйнаймиз, кейин эса Испания чемпионатининг энг муҳим учрашувида "Реал" қаршилигини синдиришга уринамиз. Бу ўйинлар мавсумнинг энг муҳим учрашувларидир.

"Барселона"да жуда кўп нарсаларни ўргандим. Айниқса тактика масаласида. "Арсенал"да эса менда доим истаган томонимга югириш имконияти, эркинлиги бўлган. Шунинг учун ҳам тактик жиҳатдан ҳар доим ҳам идеал ҳаракат қилмасдим". 

"Бу ерда кўпроқ жамоага ўйнашим керак. Ўз позициямга мустаҳкам равишда боғланганман. Шунчаки ўйлаган ва истаган жойимга қараб кета олмайман".

"Шунинг учун ҳам, футболчи сифатида ўсишга эришдим деб ўйлайман. Менинг фаолиятим давомида "Челси"га қарши ажойиб ўйинлар бўлиб  ўтган. Ўйлайманки, бугун ҳам шунақа ўйинлардан бири бўлади."Канонирлар" таркибида эканимда ҳам "Челси"га қарши ўйинларда ўз ўйинимизни намойиш этишга қийналардик. Чунки улар қарши ҳужумда яхши ҳаракат қилишади. Дидъе Дрогба эса ҳужумларни якунлашга уста. Буни ёдда сақлашимиз зарур".

"Бутун жамоамиз билан ушбу турнир ғолибига айланишни жуда истаяпмиз. Бир неча йил илгари мен бунга яқин келгандим. Лекин ўшанда буни уддасидан чиқа олмаганмиз. Агар "Барселона" таркибидаги илк мавсумимдаёқ бу совринни қўлга киритсам, бу идеал натижа бўлган бўлар эди", — дейди Сеск Фабрегас.