«Интер» дарвозабони Самир Ханданович яқин ҳафталарда клуб билан шартномасини узайтиради. Бу ҳақда журналист Никола Скира ўзининг Твиттер саҳифасида маълум қилган.
37 ёшли словенияликнинг амалдаги шартномаси шу йилнинг ёзида якунига етади. Янги келишув тафсилотлари ҳозирча маълум эмас.
Жорий мавсум «нерадзуррилар» дарвозабони клуби сафида 38 та ўйинда майдонга тушиб, ўз дарвозасидан 30 та гол ўтказиб юборди.