Мадриднинг «Реал» клуби ҳужумчиси Карим Бензема ва «ПСЖ» ҳужумчиси Килиан Мбаппе Чемпионлар лигасининг 1/8 финали доирасидаги ўйиндан сўнг суҳбатлашди.
Мадридликлар жавоб ўйинида парижликларни 3:1 ҳисобида мағлуб этишди. Бензема хет-трик қайд этган бўлса, Мбаппе жамоасининг ягона голига муаллифлик қилди.
Учрашув якунида футболчилар Мадрид клубининг кийиниш хонасига туташ хоналардан бирида тахминан 15 дақиқа суҳбатлашишди. Мбаппенинг онаси ҳам у ерда эди. ОАВнинг тахминига кўра, ушбу суҳбат катта эҳтимол билан Килианнинг «Реал»га ўтиши ҳақида бўлган.
Эслатиб ўтамиз, Мбаппенинг «ПСЖ» билан амалдаги шартномаси мавсум охирида якунига етади. Футболчи катта эҳтимол билан ёзда эркин агент бўлиб «қаймоқранглилар» сафига ўтади.
