"Реал" ярим ҳимоячиси Эдуарду Камавинга ЕЧЛнинг 1/8 финал доирасида "ПСЖ" жамоасига қарши ўйинда Карим Бенземанинг кўрсатган ўйини ҳақида фикр билдирди.

- У етакчи, сардор. У бизга йўл кўрсатади ва Карим буни кечаги ўйинда исботлади. У учта гол киритди ва бизни қутқарди. Захирадан майдонга тушганимдан кейин Бенземанинг кучи эвазига учта гол киритдик ва бундан хурсандман. Баъзилар бизни мусобақа билан хайрлашишимизни тахмин қилган бўлсада, биз учта гол киритишга эришдик. Ҳар доим ишонишдан тўхтаб қолмаслик керак, — деди Камавингу GFFN билан суҳбатда.