«Реал» ва «Милан»нинг машҳур собиқ ярим ҳимоячиси Кларенс Зеедорфнинг фикрича, Мбаппенинг ўйин услуби Мадрид жамоасига тўғри келмайди.

«ПСЖ»нинг 23 ёшли ҳужумчиси янги мавсум бошидан «Реал»га ўтиши мумкинлиги ҳақида кўплаб ОАВлар хабар бермоқда.

«Мен уни «Реал»да кўрмаяпман. Агар уни чап қанотга қўйишса, Винисиусни қурбон қилиш керак бўлади. Мбаппени ўнг томонга ўйнатасизми? Балким. Лекин кечаги Бензема қандай ўйнаганига қаранг: унинг ёрдами жамоа учун зарурлигини тушунди ва ўйинни рақиб жарима майдончаси томонга кўчирди. Мбаппе йўқ. Балки Килианга ривожланиш учун бошқа муҳит керакдир, аммо бу «Реал» деб ўйламайман», - дейди голландиялик собиқ футболчи.

Кеча бўлиб ўтган Чемпионлар лигаси доирасидаги «Реал» - «ПСЖ» учрашуви испанларнинг ғалабаси (3:1) билан якунланди. Мбаппе жамоасининг ягона голига муаллифлик қилди, аммо «қаймоқранглилар» 1/4 финалга йўл олди.