Суперлига 2-туридан ўрин олган "Пахтакор" - "Нефтчи" ўйинидан сўнг (1:0) фарғоналиклар бош мураббийи Илҳом Мўминжонов ўз фикрлари билан ўртоқлашди.
"Ўйинга жиддий тайёргарлик кўргандик. Футболчилар билан биргаликда "Пахтакор"нинг сўнгги икки ўйинини бирга томоша қилиб, уларни ўрганиб чиқдик. Ўйинда асосан қарши ҳужум орқали ҳаракат қилмоқчи эдик. Бироқ 15 дақиқа бу режада ҳаракат қила олдик. Кейин футболчимиз қизил карточка билан жазоланди ва "Пахтакор"дек индивидуал кучли футболчилари бор клубга имконниятни бой бердик. Рақибни ғалаба билан табриклайман.
- Аброр Исмоилов қизил карточкада неча фоиз айбдор эди?
- Биринчи бўлимдан сўнг вазиятни кўриб чиқдик. Ҳакам тўғри қарор қабул қилган.
Қизил карточкадан кейин ҳам ўйин услубимизни ўзгартирмадик. Футболчиларимга маслаҳат бердим, бироқ рақибларнинг иккала қаноти кучли бўлгани сабабли гол ўтказиб юбордик. Буни ўрганиб чиққан эдик, бироқ қизил карточка бизнинг зараримизга ўйнади.
Йигитлар берилган вазифани бажаришди. Четлатишдан сўнг шунчаки "Пахтакор" бизга имконият бермади. Улар ҳам оддий жамоа эмас. Фуиболда гол урган ғалаба қозонади. Кейинги ўйинларга тайёргарликни давом эттирамиз", - деди Мўминжонов.
