Лондоннинг «Челси» клуби матбуот хизмати клуб хўжайини Роман Абрамовичга Британия ҳукумати томонидан киритилган санкцияларга изоҳ берди.
«Челси» футбол клуби унинг эгаси Роман Абрамович Буюк Британия ҳукумати санкциялари остида эканлиги ҳақида хабар олди. Жаноб Абрамович «Челси» футбол клуби ва унинг филиалларининг тўлиқ эгаси бўлганлиги сабабли, «Челси» ҳам у билан бир хил санкциялар режимига бўйсунади. Бироқ, Буюк Британия ҳукумати «Челси»га муайян фаолиятни давом эттиришга рухсат берувчи умумий лицензия берди.
Бугун эркаклар ва аёллар жамоаларимиз мос равишда «Норвич» ва «Вест Хем»га қарши майдонга тушади ва биз Буюк Британия ҳукумати билан лицензия ҳажмини муҳокама қилиш ниятидамиз. Муҳокама клуб имкон қадар нормал фаолият юритиши учун лицензияга ўзгартириш киритишга рухсат олишни ўз ичига олади. Шунингдек, биз Буюк Британия ҳукуматидан ушбу чора-тадбирларнинг "Челси" жамғармасига таъсири ва унинг жамоаларимиздаги муҳим фаолияти бўйича кўрсатмалар сўраймиз" - дейилади клуб баёнотида.
