"Ювентус"нинг собиқ раҳбари Лучано Можжининг ҳисоблашича, Турин клуби раҳбарияти клубнинг афсонавий ҳужумчиси Алессандро дель Пьерога янги шартнома таклиф қилишга мажбур.
"Ҳа, Алекс бир пайтлардагидек формада эмасдир, лекин у ўйин тақдирини ҳал қилиши мумкин бўлган футболчи бўлиб қолаверади. Яқинда у буни яна бир бор исботлади. Ишонтириб айтаманки, биз буюк инсон ҳақида гаплашаяпмиз. Дель Пьеро қанча ўйнамасин, у "Ювентус" учун фойдали ўйинчи саналади. Уни қўйиб юбориш раҳбариятнинг катта хатоси бўларди", — дея таъкидлади Можжи.
