«Манчестер Юнайтед» ярим ҳимоячиси Поль Погба ёзги трансфер даврида жамоани тарк этишни режалаштирмоқда.

Франциялик футболчининг «Юнайтед» билан шартномаси шу йилнинг 30 июнида якунига етади. 28 ёшли футболчи клубни эркин агент мақомида тарк этиш ниятида. Журналист Николо Скиранинг хабар беришича, Полга Европанинг 3 та гранд жамоасидан таклиф бор. Гап «ПСЖ», футболчининг собиқ клуби Туриннинг «Ювентус»и ва «Бавария» ҳақида кетмоқда.

Поль Погба «Манчестер Юнайтед»да 2016 йилдан бери тўп тепади. Унинг трансфери «қизил иблислар»га 105 миллион еврога тушган. Манбага кўра, франциялик футболчининг «Манчестер Юнайтед»даги маоши йилига 17 миллион еврони ташкил қилади.