«Manchester Yunayted» yarim himoyachisi Pol Pogba yozgi transfer davrida jamoani tark etishni rejalashtirmoqda.
Fransiyalik futbolchining «Yunayted» bilan shartnomasi shu yilning 30 iyunida yakuniga yetadi. 28 yoshli futbolchi klubni erkin agent maqomida tark etish niyatida. Jurnalist Nikolo Skiraning xabar berishicha, Polga Yevropaning 3 ta grand jamoasidan taklif bor. Gap «PSJ», futbolchining sobiq klubi Turinning «Yuventus»i va «Bavariya» haqida ketmoqda.
Pol Pogba «Manchester Yunayted»da 2016 yildan beri to‘p tepadi. Uning transferi «qizil iblislar»ga 105 million yevroga tushgan. Manbaga ko‘ra, fransiyalik futbolchining «Manchester Yunayted»dagi maoshi yiliga 17 million yevroni tashkil qiladi.
